وزیر اعظم عمران خان کے استعفے کے مطالبے کی قرارداد پنجاب اسمبلی میں جمع


لاہور (ویب ڈیسک) پنجاب اسمبلی میں وزیراعظم عمران خان کے استعفے کے مطالبے کی قرارداد جمع کرا دی گئی۔قرارداد مسلم لیگ ن پنجاب کی سیکریٹری اطلاعات اور رکن پنجاب اسمبلی عظمیٰ بخاری کی جانب سے جمع کرائی گئی۔ خبر کے مطابق قرارداد کے متن میں کہا گیا ہے کہ پاکستان معاشی بحران کا شکار اور روپے کی قدر میں مسلسل کمی ہو رہی ہے، پاکستان کی تاریخ میں پہلی بار ڈالر 150 روپے سے تجاوز کر گیا ہے۔ ن لیگی رہنما کی جانب سے قرارداد میں یہ بھی کہا گیا ہے کہ موجودہ حکومت کی نالائقی کی وجہ سے ترقی کی شرح 2.7 فیصد پر آ گئی ہے۔ جمع کرائی گئی قرارداد میں کہا گیا ہے کہ اسٹاک مارکیٹ مسلسل گراوٹ کا شکار ہے جس کی بنیادی وجہ پاکستان کے زرمبادلہ میں مسلسل کمی ہے۔

اپنا تبصرہ بھیجیں