یونیورسٹیوں کےداخلے، کلاسز اور امتحانات بابت، ہائر ایجوکیشن کمیشن کے اہم فیصلے۔

کراچی ، ویب ڈیسک

چیئرمین ایچ ای سی ڈاکٹرطارق بنوری کی زیر صدارت اجلاس میں یکم جون سےباقاعدہ آن لائن کلاسزشروع کرنے پر اتفاق کرلیا اور لاک ڈاؤن ختم نہ ہونے کی صورت میں آن لائن امتحانات لینے کا فیصلہ کیا گیا۔

تفصیلات کے مطابق تعلیمی اداروں کی بندش کے معاملے پر وائس چانسلرز کااجلاس ہوا، اجلاس میں یونیورسٹیز کے امتحانات سے متعلق تجاویز پر غور کیا گیا۔

اجلاس میں اوپن بک،ایم سی کیوز،اسائنمنٹ کے ذریعے نتائج مرتب کرنے کی تجویز دی گئی ،یونیورسٹیوں کو امتحانات لینے کیلئے پالیسی مرتب کر کے طلباء کے ساتھ شیئر کرنے کی ہدایت کی اور لاک ڈاؤن ختم نہ ہونے کی صورت میں آن لائن امتحانات لینے کا فیصلہ کیا گیا، امتحانات کے بغیر یونیورسٹیوں کے طلباء کو اگلے سمیسٹر میں پرموٹ نہیں کیا جائے گا۔

وائس چانسلرز کی جانب سےانٹرنیٹ ایشو کی شکایات کی گئی اور اس معاملے پر ایچ ای سی سےمددکی درخواست کی ، چیئرمین ایچ ای سی نے کہا کہ تمام جامعات کوآن لائن رابطوں کیلئےطریقہ کاروضح کریں گے اور درپیش مسائل کاازالہ کریں گے۔

ہائرایجوکیشن کمیشن نے ہدایت کی کہ تمام جامعات آن لائن امتحانات کی پالیسی مرتب کریں اور کہا بورڈزاور قانونی باڈیزسےمنظورکروائیں جبکہ تمام جامعات کویکساں ایڈمیشن پالیسی مرتب کرنے کی بھی ہدایت کی گئی کہ تمام یونیورسٹیاں ایک ہی وقت میں داخلہ جات کا اعلان کریں۔

اپنا تبصرہ بھیجیں