کوئٹہ کے علاقے پشتون آباد میں دھماکا، 2 افراد جاں بحق، 26 زخمی


کوئٹہ (ویب ڈیسک) کوئٹہ کے نواحی علاقے پشتون آباد کی ایک مسجد میں دھماکے کے نتیجے میں کم از کم 2 افراد جاں بحق جب کہ 26 افراد زخمی ہوگئے ہیں۔ پولیس کا کہنا ہے کہ دھماکا پشتون آباد کی رحمانیہ مسجد میں نمازہ جمعہ کی ادائیگی سے کچھ دیر قبل ہوا۔ مسجد کی انتظامیہ نے بتایا کہ نماز جمعہ کا وقت 2:45 بجے تھا جب کہ دھماکا 1:15 کو ہوا اور اس وقت 30 سے 40 افراد مسجد میں موجود تھے۔ پولیس اور سیکیورٹی فورسز نے علاقے کو گھیرے میں لے کر تحقیقات کا آغاز کر دیا ہے جب کہ تصاوریر میں دیکھا جا سکتا ہے کہ دھماکے سے مسجد کے اندرونی حصے کو شدید نقصان پہنچا۔ ایم ایس سول اسپتال کوئٹہ نے بتایا کہ دھماکے میں 2 افراد شہید اور 26 افراد زخمی ہوئے ہیں جن میں سے چار کی حالت تشویشناک ہے۔

اپنا تبصرہ بھیجیں