ملک میں سیاحت کا بھرپور پوٹینشنل موجود ہے، مگر بین الاقوامی سطح پر آگاہی کا فقدان ہے: وزیر اعظم


کراچی (ویب ڈیسک) وزیر اعظم عمران خان نے کہا ہے کہ قدرت نے پاکستان کو بے شمار نعمتوں اور صلاحیتیوں سے نوازا ہے، پاکستان میں سیاحت سے متعلق بین الاقوامی سطح پر آگاہی کا فقدان ہے۔ تفصیلات کے مطابق وزیر اعظم عمران خان ایک روزہ دورے پر صوبہ سندھ کے دارالحکومت کراچی پہنچ گئے۔ وزیر اعظم سے ایکسپو 2020 تھیم کمیٹی کے اراکین کی ملاقات ہوئی۔ ملاقات میں عمران اسماعیل، علی زیدی، رزاق داؤد اور دیگر حکام شریک ہوئے۔ ایکسپو 2020 دبئی میں منعقد ہو رہی ہے جس میں 190 ممالک شرکت کر رہے ہیں۔ اجلاس میں وزیر اعظم کو ایکسپو 2020 کی تیاریوں کے بارے میں آگاہ کیا گیا۔ وزیر اعظم عمران خان کا کہنا تھا کہ قدرت نے پاکستان کو بے شمار نعمتوں اور صلاحیتیوں سے نوازا ہے، ملک میں سیاحت کا بھرپور پوٹینشنل موجود ہے۔ پاکستان میں سیاحت سے متعلق بین الاقوامی سطح پر آگاہی کا فقدان ہے۔ انہوں نے کہا کہ صلاحیتوں اور مختلف شعبوں میں مہارت کو اجاگر کرنے کی ضرورت ہے، ایکسپو 2020 آئیڈیل پلیٹ فارم مہیا کرے گا۔ پاکستانی مصنوعات اور سیاحت کو اجاگر کرنے کا موقع ملے گا۔ وزیر اعظم نے ہدایت کی کہ اس پلیٹ فارم سے بھرپور استفادہ کیا جائے۔ وزیر اعظم اپنے ایک روزہ دورے کے دوران آج گورنر ہاؤس میں کراچی کے ترقیاتی منصوبوں سے متعلق اجلاس کی صدرات کریں گے۔ علاوہ ازیں وہ شوکت خانم اسپتال کی فنڈ ریزنگ افطار ڈنر میں بھی شرکت کریں گے۔

اپنا تبصرہ بھیجیں