عوام دشمن بجٹ کو دھاندلی سے منظور کرانے کیلئے آصف زرداری کو گرفتار کیا گیا: بلاول بھٹو زرداری


اسلام آباد (ویب ڈیسک) پاکستان پیپلزپارٹی کے چیئرمین بلاول بھٹو زرداری نے کہا ہے کہ بجٹ کو دھاندلی سے منظور کرانے کیلئے آصف زرداری کو گرفتار کیا گیا۔ بلاول بھٹو زرداری نے بجٹ اجلاس سے قبل میڈیا سے گفتگو کرتے ہوئے کہا کہ عمران خان نے کراچی سے ڈی سیلینیشن پلانٹ سمیت جو وعدے کئے، بدقسمتی سے ایک بھی پورا نہیں ہوا اور پورے ملک کی طرح کراچی کے ساتھ بھی دھوکہ کیا ہے۔ قبل ازیں ایک بیان میں بلاول بھٹو زرداری نے جمہوری حقوق کی بات کرنے اور آصف زرداری کے پروڈکشن آرڈر کی حمایت کرنے پر ایم کیو ایم کو سراہتے ہوئے کہا کہ زرداری نے پورے ایک سال تفتیش میں مکمل تعاون کیا، ان کے ملک سے باہر جانے کا نہ خدشہ تھا نہ ان پر فرد جرم عائد کی گئی، خطاکار ثابت ہونے تک کسی کا مجرم نہ ہونا رعایت نہیں بلکہ ملزم کا حق ہے۔

اپنا تبصرہ بھیجیں