ایدھی فاونڈیشن کے سربراہ فیصل ایدھی کی کورونا وائرس کی رپورٹ سامنے آگئی جس میں ان میں کورونا وائرس کی تصدیق ہوگئی ہے۔
اطلاعات کے مطابق فیصل ایدھی اس وقت اسلام آباد میں موجود ہیں اور انہوں نے وہیں خود کو قرنطینہ کرلیا ہے۔
فیصل ایدھی کا کورونا ٹیسٹ بھی اسلام آباد میں کیا گیا تھا اور وہ گزشتہ 6 روز سے اسلام آباد میں ہی موجود ہیں۔
ایدھی فاؤنڈیشن کے سربراہ نے حال ہی میں وزیر اعظم عمران خان سے ملاقات کرکے کورونا ریلیف فنڈ کے لیے ایک کروڑ روپے کا چیک دیا تھا۔
وزیر اعظم عمران خان سے فیصل ایدھی کی ملاقات
ایدھی فاونڈیشن کی طرف سے ایک کروڑ روپے کا چیک وزیراعظم کورونا ریلیف فنڈ کے لیے وزیر اعظم کو پیش کیا۔ pic.twitter.com/8FuqDOqmD5
— PTI (@PTIofficial) April 15, 2020
فیصل ایدھی کے صاحبزادے سعد ایدھی کا کہنا ہے کہ اسلام آباد میں وزیراعظم عمران خان سے ملاقات کے ایک روز بعد فیصل ایدھی میں وائرس کی علامات ظاہر ہوئی تھیں۔
