شمالی وزیرستان ؛ چیک پوسٹ پر دہشت گردوں کا حملہ، ایک سیکیورٹی اہلکار شہید


میران شاہ (ویب ڈیسک) سیکیورٹی فورسز نے شمالی وزیرستان میں چیک پوسٹ پر حملے کو ناکام بنادیا ہے تاہم کارروائی کے دوران ایک اہلکار شہید ہوا ہے۔ پاک فوج کے شعبہ تعلقات عامہ (آئی ایس پی آر ) کے جاری کردہ بیان کے مطابق شمالی وزیرستان کی وادی شوال میں دہشت گردوں نے مکی گڑھ چیک پوسٹ پر حملہ کیا، جسے سیکیورٹی اہلکاروں نے مؤثر کارروائی کرتے ہوئے ناکام بنادیا ہے۔ فائرنگ کے تبادلے میں پاک فوج کا ایک سپاہی شہید ہوگیا۔ دوسری جانب شمالی وزیرستان میں گشت کے دوران بویا کے علاقے میں واقع نالے سے گولیاں لگی 5 لاشیں ملی ہیں جو گزشتہ روز حملے کا نشانہ بننے والی خار قمر چیک پوسٹ سے ڈیڑھ کلو میٹر کے فاصلے پر واقع ہے۔ جب کہ ملنے والی لاشوں کی شناخت کا عمل جاری ہے۔

اپنا تبصرہ بھیجیں