سورج کے تیورخطرناک، ملک بھرمیں شدید گرمی کی لہر

کراچی (ویب ڈیسک) ملک بھرمیں موسم گرم اورخشک ہونے کے باعث شہریوں کو شدید مشکلات کا سامنا ہے جب کہ درجہ حرارت میں مسلسل اضافہ ہورہا ہے۔ محکمہ موسمیات کے مطابق لاہورسمیت پنجاب بھرکےعلاقے شدید گرمی کی لپیٹ میں ہیں، جس کے باعث لوگ گھروں میں محصورہوکررہ گئے ہیں۔ آج لاہورمیں درجہ حرارت 46 ڈگری سینٹی گریڈ تک جانے کا امکان ہے۔ جب کہ کراچی والوں کا بھی برا حال ہے اور سمندری ہوائیں بند ہونے سے شدید گرمی بڑھ رہی ہے ۔ محکمہ موسمیات کے مطابق رواں ہفتے پنجاب، خیبرپختونخوا کے بیشترمیدانی علاقوں، مشرقی بلوچستان اور صوبہ سندھ میں موسم شدید گرم رہے گا تاہم مالاکنڈ، ہزارہ، کوہاٹ ڈویژن، گلگت بلتستان اورکشمیرمیں چند مقامات پرآندھی چلنے اور گرج چمک کیساتھ بارش کا امکان ہے۔

اپنا تبصرہ بھیجیں